ಚೌತಿಯ ಗಣಪತಿ ವಿಸರ್ಜನೆಯಲ್ಲೂ ಆದರ್ಶ ಮೆರೆದ ಶ್ರೀ ಸತ್ಯಸಾಯಿ ವಿದ್ಯಾಸಂಸ್ಥೆಯ ವಿದ್ಯಾರ್ಥಿಗಳು ನೂತನ ವೈಶಿಷ್ಟ್ಯಪೂರ್ಣ ರೀತಿಯದು. ಸಾವಿರಕ್ಕೂ ಮಿಕ್ಕಿದ ವಿದ್ಯಾರ್ಥಿಗಳ ಬ್ಯಾಂಡ್ ಮೇಳ, ಭಜನಾ ತಂಡ, ವೇದ ನಿನಾದದ ಶಿಸ್ತುಬದ್ದ ವಿಸರ್ಜನಾ ಮೆರವಣಿಗೆ.
ವಾಯುಮಾಲಿನ್ಯ, ಶಬ್ದಮಾಲಿನ್ಯಗಳನ್ನುಂಟುಮಾಡುವ ಪಟಾಕಿ, ಸುಡುಮದ್ದುಗಳ ಭರಾಟೆಗಳಿಲ್ಲ. ಈ ಧನದ ದುರ್ವ್ಯಯವಿಲ್ಲ. ಬದಲಾಗಿ ಊರ ಪರವೂರಿಂದ ಬಂದ ಪುಟಾಣಿಗಳಿಗೆಲ್ಲ ನೋಟ್‌ಬುಕ್, ಪೆನ್‌ಗಳ ರೂಪದಲ್ಲಿ ವಿದ್ಯಾಗಣಪತಿಯ ಪ್ರಸಾದ ವಿತರಣೆ ಮಾಡಲಾಯಿತು. ಸಾಧಾರಣ 350ಕ್ಕೂ ಮಿಕ್ಕಿ ಎಲ್ಲ ಮತ ಪಂಥಗಳ ಪುಟಾಣಿಗಳಿಗೆ ಈ ವಿಶಿಷ್ಟ ರೀತಿಯ ಪ್ರಸಾದ ವಿತರಿಸಿ ಸಂಸ್ಥೆಯ ವಿದ್ಯಾರ್ಥಿಗಳು ಮೇಲ್ಪಂಕ್ತಿ ಹಾಕಿದರು.